ODISSEO o delle DONNE e della TEMPESTA
Debutto novembre 2004
Teatro Scenario Pubblico, Catania
personaggi:
LU VIDITTI
LA NEGAZIONE
LA POLENA
CALIPSO, NAUSICAA, CIRCE, PENELOPE, IL CIECO
scrittura: Cinzia Maccagnano e Aurelio Gatti
fonti: Omero e Leonardo da Vinci
Vedrassi li alberi - delle gran selve di Taurus e di Sinai, Appennino e Talas -
vedrassi li alberi scorrer pe l'aria da Oriente a Occidente
vedrassi.......
quanti voti quanti morti, quanta separazione d'omini e di parenti
quanti valorosi che morran sanza sepoltura
coll'ossa sparse in diversi loci.
1° I PROCI o OMERO
parramuni,parramuni dill'omu cancianti e spertu!
parramuni signuri, signurini!che quando ebbe distrutto la rocca di Troia sinni ìu furriannu - spersu munnu munnu.
iddu visti tanti paisi.........iddu canusciu li sò genti e comu prijavanu!.......
cummattiu assai ntra lu mari suffrennu!.......pì nesciri vivu iddu
e i sò cumpagni........e chiddi u stissu murenu foddi e sdisinsati!
parramuni signuri!.....foddi,sdisinsati...................................................
foddi,sdisinsati s'ammuccanu l'animali sacri..........................................
i boi sacri d'Iperiuni!.....e lu diu ci livò la turnata.!
s'ammuccanu l'animali sacri e lu diu ci livò la turnata.
parramuni signuri signurini!.............................sintiti,sintiti,...........
da li stanzi di supra nni ntisi lu cantu-ispiratu......
Penelope allura scinniu jusu.nzemi a idda dù anciddi.......
e quannu junciu i giuvinastri si firmò.
davanti la facci si tineva lu vilu......parramuni,parramuni,fermio!
"tu canusci tanti canzuni chi cantunu mprisi d'omini e dei!
cantaccinni una i chissi! e iddi muti, si bivunu u vinu.muti! parramuni!muti!parramuni!........
stu cantu di svintura quantavi ca mi cugghiu stu gran duluri
mi strudi l'arma......tantu e tali è l'omu chi chianciu!parramuni signuri,tali è l'omu saputu nta tutta la Grecia".
cuntimi pì filu e pì signu........ di cumpagni chi partenu cu nuatri?......
si arrivanu,si murenu malamenti o vecchi..................
non ti conviene apprendere e sapere....quello che so io
.........tanti nni murenu e tanti autri si sarvanu.
parramuni!
dù cummannanti di l'achei murenu nto turnari.
e unu è ancora vivu, ddà ammenzu o mari.............
tutti l'autri valurusi sinni stanu a sò casa
iddu sulu suspira la turnata e la sò donna.
iddu sulu suspira la turnata e la sò donna.
lu tratteni CALIPSO, NA FIMMINA SUVRANA.
2° CALIPSO
"crudili chi siti........... cchiù di tutti l'autri
vuatri 'mpiditi a li fimmini suvrani di curcarisi cull'omini
- accusì quannu Aurora si pigghiò oriuni vuatri c'u mmazzastuu
- accussì quannu Demetra si junciu cu Iasuni Zeus c'u bruciò cun furmini
- accussì ora vuatri m'imbiriati ca mi curcu cun masculu di carni
...........svinturatu ca si non chianciri chiù, non t'a strudiri a vita...........
vatinni a tò casa, u volunu i dei!.......iddi su potenti e nzò chi pensunu, fanu.
io lu sarvai.iddu sulu u ventu u purtò
nzinu a ccà, unni mia, supra st'isula. io lu sarvai.
ci dugnu a manciari, a biviri, ci offru l'eterna giovintù...........
ma chista non è la vuluntà di zeus!
sa chiddu chi cumanna ci dici di partiri, allura sinni jissi".
sinni jissi.......sinni jissi.......sinni jissi......
3° COMBATTIMENTO
Aiace di Oileo muriu ffucatu ammenzu e navi.
Posidone l'avvicinò alli rupi giree e lu livò di la tempesta.
e s'avissi sarvatu da la morti si, nnurbatu, non avissi dittu dda parola
di superbia "deiiii! scampai lu mariiiiii!"..."deiii! scampai lu mariiii!"..........
u ntisi Posidone jttari schigghi e subbitu cu li forti manu affirrò lu tridenti e spaccò la rupi Girea!..............................
un pezzu è sempri ddà.l'autru unni era Aiace, cascò e sinni ìu nfunnu o mari….."deiii!scampai lu mariii!"......babbu!....
......era suvrana sarvò Agamennone.........filici chiddu misi pedi nta so terra,.....ci scinnevanu li lacrimi abbunnanti............ma l'infami Egisto lo tradì.......e l'ammazzo' a pranzu, comu s'ammazza un boi davanti alla greppia.
io chianceva, ssittatu nta rina, non vuleva nè campari nè vidiri cchiù lustru.
4° TEMPESTA
ah ah ah! ah ah ah! ah ah ah!
ntisi 'u strepitu du mari ca s'azziccava nte scogghi
visti avvicinarisi, truniannu, un'unda ranni contra la terra ferma,
pareva un tirribiliu!
tuttu cummigghiava la scuma du mari!..............................
u cori mi mancò.............nzinu a quannu non m'accumpariu davanti
la lucenti Atena.
5° CIRCE
i fici trasiri......... "a tia!"......e i fici assittari......"a tia!".....
.....i fici biviri........"a tia!"............................
e subbitu c'abbrisciu la testa e la vuci d'i purceddi.
pircchì tinni stai mutu?
tu suspetti quarchi autru ngannu!
picchì tinni stai mutu?
non ti scantari: io fici prumissa e vutu........................
n'arristari cchù contra voglia a me casa....
sa ti nna gghiri....................................................
n'arristari cchiù contra voglia...........
n'arristari!............................................
6° I CICLOPI
arrivai a la terra di prepotenti e sirbaggi.
non chiantanu n'arburu, n'a zappanu a terra.
tuttu dda crisci sulu....u frummentu, a vigna......
senza siminari e senza abbivirari.
.........................................................................
non si pigghianu pena di nenti e di nuddu.
si nni stanu suli supra un pizzu di muntagna
e ognunu fa liggi ppì fatti sò.
"cu siti? di unni viniti? siti alla vintura
o pi purtari dannu all'autri genti? "...........................
7° NAUSICAA
Nausicaa dalle bianche braccia
canta e balla...ammenzu a l'autri fimmini
.......iddu......ddà.........tuttu chinu di sali.........
ci ccumpariu davanti!....i fimmini scappanu.......
idda sula ristò.....dritta......ferma....
si trattineva. e iddu macari.
"in ginicchio ti supplico o sovrana: sei una dea tu?o una mortale?
"furisteri! sugnu a figghia di alcinoo, chista è a terra d'i feaci"
.............................................................
"ah, si si putissi chiamari sposu miu un omu accussì......
e a iddu ci piacissi di ristari ccà!"
8° TANGO
la bella Nausicaa si fermò a lu stipiti di la porta............
.........e ci dissi sti paroli........"addiu furisteri,addiu!".........
.......................................................................
non ti conviene apprendere e sapere quello che so io.
.............. .................. .............. ...............
9° FOLLIA
sautannu /supra i cumpagni,/ nni firrò dui nsemi/.....
i sbattiu nterra/ cci fici nesciri i cirivedda/.................................
e, strazzannuni 'mpezzu a la vota, s'i mmuccò!
vuredda, carni, ossa, mirudda..... - nenti lassò.
io ristai ddà a macinari nta testa la so ruvina.
"nuddu! mi chamanu u patri e a matri!"
"e iu a nuddu m'ammuccu a la fini! chissu è u me rialu, ospiti miu!"
io arristai ddà
a riminari 'na notti, un jornu e n'autra notti ancora
e quannu u palu d'oleandru si fici braci,
u livai do focu, ci l'azzicci ntall'occhiu e
.......gira...gira...gira....comu si fussi 'n trapanu.
"nuddu t'annorba e nuddu mi chiamu!"
10° POSEIDONE
cugghieva ddì niuli a unu a unu, c' azziccava u tridenti e
faceva isari u mari.....arruspigghiava ogni sorta di ventu
e cummigghiava a un tempu mari e terra
.................................................................
subbitania scinneva la notti.
nzemi si scuntravanu euru e notu e zefiru triulusu e borea,
ammuttannu acqua supra acqua.
comu quannu nta l'autunnu borea trascina supra la chiana
i spini d'u cardu e chiddi fitti fitti si tenunu attaccati una all'autra.
accussì supra u mari i venti lu traviavanu accabbanna e addabbanna.
allura Posidone cci muttò contra n'unda ranni ca u pigghiò nchinu,
u fici girari tunnu tunnu e u jttò luntanu, ammenzu 'o mari.
11° PENELOPE
da li stanzi di supra nni ntisi lu cantu ispiratu,
Penelope allura scnniu jusu, nzemi a idda dù anciddi.
quannu gnunciu i giuvinastri si firmò.
davanti la facci si tineva lu vilu.
di jornu ieva tissennu la gran tila e via via la notti la scuseva.
accussì fici pì tri anni, in sigrito.
ma quannu arrivò u quartu annu na fimmina la tradì e nuatri
l'attruammu mentri ca sfilava la bella tila.
12° ODISSEO
SUGNU DI ITACA.
ddà c'è na muntagna sulitaria unni ci sbattunu i venti.
all'intornu è chinu di isuli, una vicina all'autra
e stanu tutti a livanti.
la patria mia è cchiù supra, a punenti...................................
avi la praja e li scogghi..............................................................
e' aspra ma è na bona matri ppì so figghi
sugnu di itaca......................
non c' assimigghiu a li dei nè pì furma nè pì biddizza
si canusciti un'omu ca si porta supra i spaddi un pisu di svintura
senza fini...........a chiddu c'assimigghiu
e non sacciu vidiri cosa cchiù bella di la terra.
sugnu odisseo, figghiu di Laerte
sugnu unu distinatu a moriri
cantatu pì ogni sorta d'ingannu.
